लुट्न पल्केका लुटाहाहरु
लुटको स्वर्ग भत्किने त्रासमा
ईमान्दारिता माथी धावा बोल्छन
आक्रमण गर्छन
र सिमा नाघ्दै क्रुरताको
भत्काउंछन आदर्शका खम्बाहरु
अपराध ढाकछोप गर्न
गुहार माग्छन उनिहरु
लुटका आफ्ना अंशियारहरुसंग
रुन्छन, कराउंछन र पाउ पर्छन
नुनको सोझो गर्दै अंशियारहरु
उसको जघन्य अपराधमाथी
ढाकछोपको पर्दा लगाउन तम्सिन्छन
र ` राम्रो मान्छे´ को सर्टिफिकेट
दिलाउने कोसिस गर्छन
याद गर लुटाहाहरु
ढल्दैन कहिल्यै ईमान्दारिता
मर्दैन कहिल्यै अादर्श
झन जब्बर हुन्छ
अजर हुन्छ
अमर बन्छ
जवसम्म तिमिहरुको
लुटको स्वर्ग ढल्दैन